گھر میں برکت پیدا کرنے والے کام

 گھر میں برکت پیدا کرنے والے کام

پاکیزہ گفتگو

کسی گھر میں برکت ڈالنے والے اسباب میں سے ایک اہم سبب گھر والوں کا آپس میں پاکیزہ گفتگو، مثبت الفاظ کا تبادلہ نیز اخلاقی اور نفسیاتی تعاون کرنا ہے۔ 

شفقت اور آسانی

شفقت اور نرمی کسی بھی چیز کو خوبصورت بنا دیتی ہیں۔پس معاملات میں نرمی برتنا برکت،اطمینان اور سکون کو دعوت دیتا ہے۔نہ صرف دوسرے بلکہ سب سے پہلے اپنی ذات ان چیزوں سے بہرہ ور ہوتی ہے۔

خواتین کے ساتھ نرمی سے پیش آنا

گھر کی خواتین کے ساتھ نرمی سے پیش آنابھی رزق،برکت اور زندگی میں نیکی کے کاموں کی توفیق ملنے والے اسباب میں سے ایک اہم سبب ہے۔ اس لیے کہ عورت ہی گھر کے نظام کو چلانیکا ایک بنیادی ستون ہے۔جس پر گھرکا نظام کھڑا ہے۔اس کے ساتھ نرم رویہ اور اس کے جذبات کی رعائت رکھنا سعادت اور خیر حاصل کرنے کا ذریعہ ہے۔

باہمی احترام

گھر والوں کا ایک دوسرے سے احترام سے پیش آنا گھرکی فضا کو خوشگوار بناتا ہے۔گالم گلوچ اور بے وجہ کی زبان درازی باہمی الفت و محبت کو تہہ تیغ کر دیتے ہیں۔

اللہ کا ذکر

اللہ کا ذکر اور نماز گھر کو ا ور گھر میں رہنے والوں کو با برکت بنا دینے والی چیزیں ہیں۔

شرکت اور میل جول

گھر والوں کو کسی بھی کام میں باہمی شرکت جیسے اکٹھے کھانا، تقریبات، گھریلو نظام کی مسلسل بہتری والے امور میں حصہ لینا بھی خیرو برکت سمیٹنے کا باعث ہے۔مقولہ مشہور ہے کہ جس گھر کے افراد ایک دسترخوان پر کھانا کھاتے ہوں وہ ہمیشہ جڑے رہتے ہیں۔

حمدوشکر

اپنی زبان کو اللہ کی حمدوثنا اور شکر کا عادی بنانا، کہ اس کی نعمتیں بے حساب ہیں۔

تلاوت قرآن کریم

روزانہ کے حساب سے گھروں میں قرآن کریم ک تلاوت کو معمول بنانا چاہیے۔

کثرت استغفار

استغفار کی کثرت اور اس پر دوام، نیز صغیرہ اور کبیرہ گناہوں سے اجنتناب بھی رزق میں برکت کا باعث بنتا ہے۔

والد ین کی فرماں برداری اور صلہ رحمی

یہ دو ایسی صفات ہیں کہ جس شخص میں پائی جائیں اس سے اللہ تعالی خوش ہوتے ہیں۔

حلال رزق کا حصول 

حرام سے مکمل اجتناب کرنا، اس لیے کہ برکت حلال اور پاکیزہ مال میں چھپی ہوئی ہے۔

اللہ ہمیں ان پر عمل کرنے کی توفیق عطا فر مائیں، آمین